ថ្ងៃច័ន្ទ ទី១៦ ខែឧសភា ឆ្នាំ២០៥០
ទំនាក់ទំនង ចាងហ្វាងការផ្សាយ
អភិបាលខេត្តកំពង់ធំ ដឹកនាំក្រុមការងារចម្រុះ ចុះពិនិត្យមើលជាក់ស្ដែងលើផ្ទៃបឹងទន្លេសាប ព្រមទាំងពិនិត្យមើលទីតាំងដាក់ទីបញ្ជាការស្រាល ដើម្បីរួមគ្នាទប់ស្កាត់បទល្មើសនេសាទប្រកបដោយប្រសិទ្ធភាពខ្ពស់
Wed,30 March 2022 (Time 09:08 PM)
ដោយ ៖ (ចំនួនអ្នកអាន: 51នាក់)

(រដ្ឋបាលខេត្តកំពង់ធំ): ឯកឧត្តម ងួន រតនៈ អភិបាលខេត្តកំពង់ធំ នាព្រឹកថ្ងៃទី២៩ ខែមីនា ឆ្នាំ២០២២ បានដឹកនាំក្រុមការងារចម្រុះ ដើម្បីចុះពិនិត្យមើលជាក់ស្ដែងលើផ្ទៃបឹងទន្លេសាប ក្នុងភូមិសាស្ត្រស្រុកស្ទោង និងស្រុកកំពង់ស្វាយ ខេត្តកំពង់ធំ ព្រមទាំងពិនិត្យមើលទីតាំងដាក់ទីបញ្ជាការស្រាល ដើម្បីរួមគ្នាទប់ស្កាត់បទល្មើសនេសាទគ្រប់ប្រភេទ ប្រកបដោយប្រសិទ្ធភាព និងស្មារតីទទួលខុសត្រូវខ្ពស់។
បន្ទាប់ពីចុះពិនិត្យរួចមក ឯកឧត្តម ងួន រតនៈ បានដឹកនាំកិច្ចប្រជុំជាមួយក្រុមការងារចម្រុះ ដើម្បីធ្វើការផ្សព្វផ្សាយជូនដល់អាជ្ញាធរស្រុក ឃុំ សហគមន៍ កម្លាំងពាក់ព័ន្ធទាំងអស់អោយចូលរួមទប់ស្កាត់បទល្មើសនេសាទ គ្រប់ប្រភេទ ដើម្បីរួមចំណែក រក្សាធនធានជលផល ជូនបងប្អូនប្រជានេសាទ នៅក្នុងសហគមន៍។
ទន្ទឹមនឹងនោះដែរ ឯកឧត្តមងួនរតនៈ បានជំរុញដល់អាជ្ញាធរស្រុក ឃុំ សហគមន៍ កម្លាំងពាក់ព័ន្ធទាំងអស់ និងអង្គការដៃគូនានា បន្តផ្សព្វផ្សាយអោយបានទូលំទូលាយដល់ប្រជាពលរដ្ឋបានជ្រួតជ្រាបអំពីការអនុវត្តន៍នូវបទបញ្ជារបស់ប្រមុខរាជរដ្ឋាភិបាលកម្ពុជាកាលពីថ្ងៃទី២៤ ខែមីនា ឆ្នាំ២០២២ កន្លងមកបានបញ្ជាអោយ ក្រុមការងាររដ្ឋបាលខេត្ត ជាប់បឹងទន្លេសាប ត្រូវចាត់វិធានការបង្ក្រាបបទល្មើសនេសាទ ក្នុងភូមិសាស្ត្របឹងទន្លេសាប ព្រមទាំងអំពាវនាវដល់ប្រជាពលរដ្ឋទាំងអស់ឲ្យឈប់ប្រើប្រាស់ឧបករណ៍នេសាទខុសច្បាប់ នឹងឈប់ចូលនេសាទនៅក្នុងដែនអភិរក្ស និងតំបន់ហាមឃាត់ បន្តទៀត។ ហើយចំពោះសំណាកបទល្មើសដែលនៅសេសសល់សូមមន្ត្រីជំនាញ ត្រូវចាត់វិធានការបង្រ្កាបជាបន្ទាន់ និងធ្វើការដកហូតវត្ថុតាង ព្រមទាំងកំណត់មុខសញ្ញាជនល្មើស ដើម្បីយកមកធ្វើកិច្ចសន្យា ដោយមិនឲ្យមានការប្រព្រឹត្តបន្តទៀតនោះទេ៕
ប្រភព៖ រដ្ឋបាលខេត្តកំពង់ធំ

វីដែអូ