ថ្ងៃពុធ ទី២១ ខែសីហា ឆ្នាំ២០៥០
គេហទំព័រ រស្មីត្បូងឃ្មុំ
ចាប់ឃាត់ខ្លួន ជនសង្ស័យចំនួន០៣នាក់ ពាក់ព័ន្ធករណីគ្រឿងញៀន
Tue,23 April 2019 (Time 12:34 PM)
ដោយ ៖ រស្មីត្បូងឃ្មុំ (ចំនួនអ្នកអាន: 18នាក់)

ខេត្តកណ្តាល:ជនសង្ស័យចំនួន០៣នាក់ ដែលជាប់ពាក់ព័ន្ធទៅនឹងករណីរក្សាទុក​ដោយខុសច្បាប់នូវសារធាតុញៀន (ម៉ាទឹកកក)ត្រូវបានកម្លាំងសមត្ថកិច្ចចាប់ឃាត់ខ្លួន និងម្នាក់ទៀតដែលកំពុងរត់គេចខ្លួនកម្លាំងសមត្ថកិច្ចកំពុងតាមប្រមាញ់។

ករណីខាងលើនេះបានកើតឡើងនាវេលាម៉ោង២២ ថ្ងៃទី២២ ខែមេសា​​​​​​​​ ឆ្នាំ២០១៩ នៅចំណុច​​ភូមិព្រែកតាកូវ ឃុំព្រែកតាកូវ​ ស្រុកខ្សាច់កណ្តាល ខេត្តកណ្តាល។

សមត្ថកិច្ចបានឲ្យដឹងថា ជនសង្ស័យចំនួន​ ០៤នាក់រួមមាន:
ទី១-ឈ្មោះ​ កែវ​ សានិតតារា​ ហៅនិត​ ភេទប្រុស អាយុ ៣១ឆ្នាំ មុខរបរ​ កម្មករសំណង់​ ជនជាតិខ្មែរ​ មានទីលំនៅភូមិ​ព្រែកតាកូវ​​​ ឃុំព្រែកតាកូវ​​ ស្រុកខ្សាច់កណ្តាល​ ខេត្តកណ្តាល​ (ឃាត់ខ្លួន)។
ទី២-ឈ្មោះ​ ធន់​ បូរិទ្ធ​ ភេទប្រុស​ អាយុ​ប្រហែល​២០ឆ្នាំ​ មុខរបរ​ កម្មករសំណង់​ ជនជាតិ​ខ្មែរ​ មានទីលំនៅភូមិព្រែកល្វា ឃុំព្រែកតាកូវ​​ ស្រុកខ្សាច់កណ្តាល​ ខេត្តកណ្តាល​ (ឃាត់​ខ្លួន)​។
ទី៣-ឈ្មោះ​ ថុន​ ឈុនលី​​ ​ ភេទប្រុស​ អាយុ​ប្រហែល​១៧ឆ្នាំ​ មុខរបរ​ កម្មករសំណង់​​​ ជនជាតិ​ខ្មែរ​ មានទីលំនៅភូមិព្រែកតាកូវ​​ ឃុំព្រែកតាកូវ​​ ស្រុកខ្សាច់កណ្តាល​ ខេត្តកណ្តាល​ (ឃាត់​ខ្លួន)​ ។
ទី៤-ឈ្មោះ​ ព្រិល​ តូច ភេទប្រុស​ អាយុ​ប្រហែល​ ៣០ឆ្នាំ​ មុខរបរ​ កសិករ​​ ជនជាតិ​ខ្មែរ​ មានទីលំនៅភូមិព្រែកល្វា​ ឃុំព្រែកតាកូវ​​ ស្រុកខ្សាច់កណ្តាល​ ខេត្តកណ្តាល​ (គេចខ្លួន)​ ។

វត្ថុតាងចាប់យករួមមាន:ម្សៅក្រាមពណ៌សថ្លាសង្ស័យជាសារធាតុញៀនចំនួន​០២កញ្ចប់​តូច​ (ទម្ងន់សរុប​ 0.11g),ម៉ូតូម៉ាកsmash Revo សេរី​2009 ពណ៌ខ្មៅ​ ពាក់ស្លាកលេខ​ ភ្នំពេញ​ 1AH 3948 ចំនួន​០១គ្រឿង​,ទូរស័ព្ទចំនួន ០៤គ្រឿង​ ម៉ាក​ NOKIA ពណ៌ខៀ​វ ០១គ្រឿង​ ម៉ាក​សាមសុង​ អេស២​ ពណ៌ស​ ០១គ្រឿង ម៉ាកអាយហ្វូនស៉ិចផ្លឹស​ ពណ៌ស​ ០១គ្រឿង និងម៉ាកoppo ពណ៌ខ្មៅ​០១គ្រឿង ។​

សមត្ថកិច្ចបន្តថា មុនពេលកើតហេតុ​ កម្លាំងប៉ុស្តិ៍នគរបាលរដ្ឋបាលព្រែកតាកូវ​ បាន​ចេញល្បាតនៅក្នុងភូមិសាស្រ្ត ហេីយក៏ឃេីញជនស្ស័យទាំង០៣នាក់ កំពុងអង្គុយក្រោមដេីមត្នោតក្នុងភូមិ​ ដោយមានការសង្ស័យសមត្ថកិច្ចនគរបាលក៏ហៅធ្វេីការឆែកឆេរ​ ហេីយរកឃេីញថ្នាំញៀន០២កញ្ចប់តូចនៅក្នុងហោប៉ាវខោរបស់ឈ្មោះ​ កែវ​ សានិតតារា​ បន្ទាប់មកសមត្ថកិច្ចនគរបាល​បានបញ្ជូនជនសង្ស័យទាំង០៣នាក់ ព្រមទាំងវត្ថុតាងមកកាន់អធិការដ្ឋាននគរបាលស្រុកខ្សាច់កណ្តាល​ ដើម្បីបន្តអនុវត្តតាមនីតិវិធី​។

សមត្ថកិច្ចបញ្ជាក់ទៀតថា បន្ទាប់ពីធ្វើការសាកសួរឈ្មោះ កែវ​ សានិតតារា​ បានឆ្លេីយសារភាពថាខ្លួនបានទៅទិញថ្នាំញៀនពីឈ្មោះ​ ព្រិល​ តូច​ នៅភូមិព្រែកល្វា​ ឃុំព្រែកតាកូវ​ តម្លៃ​២០០០០រៀល​ ដេីម្បីយកមកប្រេីប្រាស់។

បច្ចុប្បន្នជនសង្ស័យទាំង៣នាក់ខាងលើ សមត្ថកិច្ចកំពុងកសាងសំណុំរឿង ដើម្បីចាត់ការបន្តតាមនីតិវិធី៕

ព័ត៌មានគួរចាប់អារម្មណ៍

បើកម៉ូតូបត់ខ្វះកាប្រុងប្រយត្ន័ ម៉ូតូពីគ្រឿងទាក់ដៃចង្គូតគ្នា ខ្ទាតចូលរថយន្ត បណ្តាលឲ្យស្លាប់ និងរបួសធ្ងន់ម្នាក់ (រស្មីត្បូងឃ្មុំ)

ព័ត៌មានគួរចាប់អារម្មណ៍

ក្មេងប្រុសអាយុ១៣ឆ្នាំម្នាក់ លង់ទឹកស្លាប់អាណោចអាធ័ម បន្ទាប់ពីចុះងូតទឹកលេងនៅក្រោយផ្ទះ (រស្មីត្បូងឃ្មុំ)

ព័ត៌មានគួរចាប់អារម្មណ៍

ជនបរទេស​២​នាក់ ដែលជាប់ពាក់ពន្ឋ័ករណីគ្រឿងញៀន ត្រូវបានកម្លាំងសមត្ថកិច្ច ចាប់ឃាត់ខ្លួន នៅក្នុងផ្ទះ​សំណាក់ ហ្គា ស៊ី ​ (រស្មីត្បូងឃ្មុំ)

ព័ត៌មានគួរចាប់អារម្មណ៍

កម្លាំងនគរបាលក្រុងប៉ោយប៉ែត ក្របួចបានចោរឆក់ទូរសព្ទ័ដៃ ចំនួន៣នាក់ នៅភូមិសាមគ្គីមានជ័យ (រស្មីត្បូងឃ្មុំ)

ព័ត៌មានគួរចាប់អារម្មណ៍

រដ្ឋបាលខេត្តកែប បើកកិច្ចប្រជុំ រៀបចំយន្តការសម្របសម្រួល ការប្រឡង​សញ្ញាបត្រ មធ្យម​សិក្សាទុតិយភូមិ (រស្មីត្បូងឃ្មុំ)

វីដែអូ